„ეკო-სპექტრის“ გუნდს გააჩნია მრავალწლიანი საერთაშორისო სამუშაო გამოცდილება ვიბრაციის საბაზისო დონის გაზომვის და ანალიზის სფეროში. კომპანიას ჩატარებული აქვს გაზომვები და ანალიზი, როგორც სახელმწიფო სტრუქტურების, ასევე საერთაშორისო საფინანსო ინსტიტუტების დაკვეთით (აზიის განვითარების ბანკი, მსოფლიო ბანკი და ა.შ.).

                                                   ვიბრაციის საბაზისო დონის გაზომვის და ანალიზის მეთოდოლოგია და ტექნიკური საშუალებები

ვიბრაციის საზომი მოწყობილობის დანიშნულებაა ვიბრაციის გაზომვა შენობებში, ხიდებზე, კოშკებზე, მილსადენებსა და სხვადასხვა დიდ კონსტრუქციებზე. გაზომვა წარმოებს, რათა თავიდან იქნას აცილებული შენობების კონსტრუქციული დაზიანება და ადამიანების დისკომფორტი. გერმანული წარმოების „Triaxial Vibration Meter VM40B“ აპარატი აღჭურვილია სენსორით, ჩამწერი და შეფასების ელექტრონული მოწყობილობითა და აკუმულატორით. ინსტრუმენტი აღჭურვილია სამი მაღალმგრძნობიარე პიეზოელექტრული სისტემით ვიბრაციის გასაზომად სამივე მიმართულებით. სიგნალის დამუშავების პროცესი იმართება მიკროპროცესორით. ორგანიზაციას შემუშავებული აქვს ვიბრაციის კვლევის ჩატარების პროცედურა, რომელიც ეფუძნება ავტორიტეტული საერთაშორისო ორგანიზაციების მოთხოვნებსა და რეკომენდაციებს.

• DIN 4150-3: კონსტრუქციული ვიბრაცია – ვიბრაციის ზემოქმედება კონსტრუქციებზე - გერმანული სტანდარტი;
• BS 7385: ვიბრაციის შეფასება და გაზომვა შენობა-ნაგებობებში - ბრიტანული სტანდარტი;
• SN 640312a: ვიბრაციის გავლენა შენობა-ნაგებობებზე - შვეიცარიული სტანდარტი;
• ISO 4866:2010 – მექანიკური ვიბრაცია და დარტყმა - საერთაშორისო სერტიფიცირების ორგანიზაციის სტანდარტი.

მომსახურების დრო და ღირებულება განისაზღვრება ინდივიდუალურად, შეკვეთის სირთულის, მასშტაბის, მახასიათებლების და გარემო პირობების შესაბამისად.