1.      მიზანი და გამოყენების სფერო:

ისო ISO 22000:2018  შიდა აუდიტორის ტრენინგის 3 დღიანი კურსი შესაძლებლობას მოგცემთ დაინახოთ, რამდენად მნიშვნელოვანია  საწარმოს ან ორგანიზაციის უშუალო საქმიანობაში სურსათის უვნებლობის მენეჯმენტის სესტემების მოთხოვნების უზრუნველყოფა.

კურსის გავლით, თქვენ შეიძენთ ცოდნას და საჭირო უნარებს, რაც საშუალებას მოგცემთ ჩაატაროთ, მართოთ და მონაწილეობა მიიღოთ აუდიტებში, გახდეთ სურსათის უვნებლობის მენეჯმენტის სისტემების შიდა აუდიტის ჯგუფის წევრი.

სურსათის უვნებლობის მენეჯმენტის სისტემების ისო 22000:2018 შიდა აუდიტორის ტრენინგი სჭირდება:

• სოფლის მეურნეობის, პირველადი წარმოების, სურსათის გადამუშავების, შენახვის ან დისტრიბუციის, ასევე საზოგადოებრივი კვების სფეროში, დალაგება-დასუფთავების სერვისის მიმწოდებელი და მოწყობილობა-დანადგარების მწარმოებელი კომპანიის მენეჯერებს;
• ფიზიკურ და იურიდიულ პირებს, რომლებიც დაინტერესებულნი არიან შეისწავლონ შიდა აუდიტის ჩატარების პრინციპები და მეთოდები;
• პროექტის კოორდინატორებს, ადმინისტრაციის წარმომადგენლებს;
• საჯარო ან კერძო სექტორში მომუშავე აუდიტორებს, რომლებსაც სჭირდებათ მეტი კომპეტენცია აუდიტის ჩატარების პროცესში.

2. სერტიფიკაციაზე განაცხადის შემოტანა შეუძლია: ნებისმიერ დაინტერესებულ პირს;

3. სერტიფიკაციის პროგრამა:

ტრენინგის ენა: ქართული/ინგლისური/რუსული;
ტრენინგის დრო: 24 სთ-3დღე;
ტრენინგის ღირებულება: 550$ (ექვივალენტი ლარში);
ტრენინგის განმავლობაში თქვენ შეისწავლით:

ISO 22000:2018 სურსათის უვნებლობის მენეჯმენტის სისტემები  (დღე 1 და 2)

• სურსათის უვნებლობის მენეჯმენტის სისტემების არსი და დანიშნულება;
• ორგანიზაციაში სურსათის უვნებლობის მენეჯმენტის სისტემების არსებობის უპირატესობები და სარგებელი;
• ისო 22000:2018 სტანდარტის ზოგადი მიმოხილვა;
• სურსათის უვნებლობის მენეჯმენტის სისტემების მიზანი და წარმატების ფაქტორები;
• ისო 22000:2018 სურსათის უვნებლობის მენეჯმენტის სისტემების ძირითადი ტერმინები და განმარტებები;
• ისო 22000:2018 სურსათის უვნებლობის მენეჯმენტის სისტემების ძირითადი პრინციპი;
• ისო 22000:2018 სურსათის უვნებლობის მენეჯმენტის სისტემებში Plan-Do-Check-Act ციკლის გამოყენება;
• ისო 22000:2018 სურსათის უვნებლობის მენეჯმენტის სისტემების მოთხოვნების ინტერპრეტაცია და ორგანიზაციაში გამოყენება.

მენეჯმენტის სისტემების აუდიტორი - Exemplar Global – AU - ISO19011:2018 (დღე 3)

• აუდიტის სახელმძღვანელო მითითებების დანერგვა;
• შიდა აუდიტორის პასუხისმგებლობა და როლი;
• შიდა აუდიტის მოთხოვნები;
• აუდიტის ძირითადი პირობები და განმარტებები;
• აუდიტის მიზანი, სფერო, კრიტერიუმები და მეთოდები;
• აუდიტის ტიპები, პრინციპები და საუკეთესო პრაქტიკა;
• აუდიტორებისა და აუდიტირებული პირების პასუხისმგებლობა;
• აუდიტის დაგეგმვა, შესრულება, ანგარიშგება და შემდგომი კონტროლი;
• აუდიტის პროცესში პროცესუალური მიდგომის გამოყენება;
• რისკზე დაფუძნებული აზროვნების გამოყენება აუდიტში.

4. ელექტრონული განაცხადი: გაიარე ონლაინ რეგისტრაცია ტრენინგზე.

5. სერტიფიკატის გაცემა და ვადები: ტრენინგის მონაწილეზე სერტიფიკატი გაიცემა შიდა აუდიტორის საგამოცდო ტესტირების წარმატებით ჩაბარების შემთხვევაში. ტესტირებიდან 2 კვირის ვადაში თქვენ გადმოგეცემათ ამერიკული ცენტრის «International Accreditacion Service» (IAS) მიერ აკრედიტირებული კომპანია «G-certi Co»-ს სურსათის უვნებლობის მენეჯმენტის სისტემების ისო 22000:2018 შიდა აუდიტორის საერთაშორისო სერტიფიკატი 3 წლის ვადით.