სურსათის უვნებლობის მენეჯმენტის სისტემების ISO 22000:2018 აუდიტორის/ წამყვანი აუდიტორის ტრენინგი

1. მიზანი და გამოყენების სფერო:

სურსათის უვნებლობა არის მთავრობის, მწარმოებლების და მომხმარებლების საერთო პასუხისმგებლობა, რომელიც უზრუნველყოფილია სასურსათო ჯაჭვში მონაწილე ყველა მხარის ერთობლივი ძალისხმევით.

კვალიფიციური სურსათის უვნებლობის მენეჯმენტის სისტემების აუდიტორების/წამყვანი აუდიტორების სერტიფიცირება მნიშვნელოვანია, რათა ქვეყანაში უზრუნველყოფილი იქნეს სურსათის კონტროლი და იმ რისკების თავიდან აცილება ან მინიმუმამდე დაყვანა, რომლებიც საფრთხეს უქმნის ადამიანების ჯანმრთელობას და კეთილდღეობას.

ისო ISO 22000:2018 აუდიტორის/წამყვანი აუდიტორის ტრენინგის კურსის გავლით, თქვენ შეიძენთ სურსათის უვნებლობის მენეჯმენტის სისტემის მესამე მხარის მასერტიფიცირებელი/საკონსულტაციო აუდიტის პროგრამის შედგენის, ჩატარების და ანგარიშის მომზადებისთვის საჭირო ცოდნასა და უნარ-ჩვევებს.

სურსათის უვნებლობის მენეჯმენტის სისტემების ისო ISO 22000:2018 აუდიტორის/წამყვანი აუდიტორის ტრენინგი სჭირდება:

სოფლის მეურნეობის, პირველადი წარმოების, სურსათის გადამუშავების, შენახვის ან დისტრიბუციის, ასევე საზოგადოებრივი კვების სფეროში, დალაგება-დასუფთავების სერვისის მიმწოდებელი და მოწყობილობა-დანადგარების მწარმოებელი კომპანიის მენეჯერებს;
იურიდიულ პირებს, რომლებიც დაინტერესებულნი არიან შეისწავლონ პირველი, მეორე და მესამე მხარის აუდიტის ჩატარების პრინციპები და მეთოდები;
შიდა აუდიტორებს, პროექტის კოორდინატორებს, ადმინისტრაციის წარმომადგენლებს;
საჯარო ან კერძო სექტორში მომუშავე აუდიტორებს, რომლებსაც სჭირდებათ მეტი კომპეტენცია აუდიტის ჩატარების პროცესში;
მასერტიფიცირებელი ორგანიზაციების აუდიტორებს.

2. სერტიფიკაციაზე განაცხადის შემოტანა შეუძლია: ნებისმიერ დაინტერესებულ პირს.

3. სერტიფიკაციის პროგრამა:

ტრენინგის ენა: ქართული/ინგლისური/რუსული;
ტრენინგის დრო: 32 სთ- 4 დღე;
ტრენინგის ღირებულება: 800$ (ექვივალენტი ლარში);
ტრენინგის განმავლობაში თქვენ შეისწავლით:

დღე 1 და 2: ISO 22000:2018 სურსათის უვნებლობის მენეჯმენტის სისტემები:

სურსათის უვნებლობის მენეჯმენტის სისტემების არსი და დანიშნულება;
ორგანიზაციაში სურსათის უვნებლობის მენეჯმენტის სისტემების არსებობის უპირატესობები და სარგებელი;
ისო 22000:2018 სტანდარტის ზოგადი მიმოხილვა;
სურსათის უვნებლობის მენეჯმენტის სისტემების მიზანი და წარმატების ფაქტორები;
ისო 22000:2018 სურსათის უვნებლობის მენეჯმენტის სისტემების ძირითადი ტერმინები და განმარტებები;
ისო 22000:2018 სურსათის უვნებლობის მენეჯმენტის სისტემების ძირითადი პრინციპი;
ისო 22000:2018 სურსათის უვნებლობის მენეჯმენტის სისტემებში Plan-Do-Check-Act ციკლის გამოყენება;
ისო 22000:2018 სურსათის უვნებლობის მენეჯმენტის სისტემების მოთხოვნების ინტერპრეტაცია და ორგანიზაციაში გამოყენება.

დღე 3: მენეჯმენტის სისტემების აუდიტორი - Exemplar Global – AU - ISO19011:2018

აუდიტის სახელმძღვანელო მითითებების დანერგვა;
შიდა აუდიტორის პასუხისმგებლობა და როლი;
შიდა აუდიტის მოთხოვნები;
აუდიტის ძირითადი პირობები და განმარტებები;
აუდიტის მიზანი, სფერო, კრიტერიუმები და მეთოდები;
აუდიტის ტიპები, პრინციპები და საუკეთესო პრაქტიკა;
აუდიტორებისა და აუდიტირებული პირების პასუხისმგებლობა;
აუდიტის დაგეგმვა, შესრულება, ანგარიშგება და შემდგომი კონტროლი;
აუდიტის პროცესში პროცესუალური მიდგომის გამოყენება;
რისკზე დაფუძნებული აზროვნების გამოყენება აუდიტში.

დღე 4: მენეჯმენტის სისტემების წამყვანი აუდიტორი -Exemplar Global – TL - ISO 19011:2018

წამყვანი აუდიტორისა და აუდიტის ჯგუფის პასუხისმგებლობა;
აუდიტის ჯგუფის წევრების შერჩევა;
აუდიტის ჯგუფის კომპეტენცია;
აუდიტის ჩატარება:

- აუდიტორული საქმიანობისთვის მომზადება;

- აუდიტის დაწყება;

- აუდიტის საქმიანობის წარმართვა;

- შეუსაბამობების იდენტიფიკაცია;

- აუდიტის დასრულება;

- აუდიტის დასკვნის მომზადება და გავრცელება;

- აუდიტის შემდგომი საკონტროლო აუდიტის ჩატარება.

შეხვედრების გახსნა და დახურვა;
აუდიტის მეთოდოლოგია (ადგილზე / დისტანციური აუდიტი);
აუდიტორის ლიდერობა და ვალდებულებები;
აუდიტის დროს რთული სიტუაციების მართვა;
აუდიტში ჩართული მხარეების კომუნიკაცია აუდიტის დროს;
მოთხოვნები 1 ეტაპის და მე -2 ეტაპის აუდიტისთვის.

4. ელექტრონული განაცხადი: გაიარე ონლაინ რეგისტრაცია ტრენინგზე.

5. სერტიფიკატის გაცემა და ვადები: ტრენინგის მონაწილეზე სერტიფიკატი გაიცემა აუდიტორის/წამყვანი აუდიტორის და შიდა აუდიტორის საგამოცდო ტესტირების წარმატებით ჩაბარების შემთხვევაში. ტესტირებიდან 2 კვირის ვადაში თქვენ გადმოგეცემათ ამერიკული ცენტრის «International Accreditation Service» (IAS) მიერ აკრედიტირებული კომპანია «G-certi Co»-ს სურსათის უვნებლობის მენეჯმენტის სისტემების ისო 22000:2018 აუდიტორის/წამყვანი აუდიტორის საერთაშორისო სერტიფიკატი 3 წლის ვადით.

6. რეესტრი: სერტიფიკატის გადმოცემის შემდეგ, თქვენ ირიცხებით კომპანია «G-certi Co» -ს აუდიტორთა ერთიან ელექტრონულ რეესტრში. სერტიფიკატის ნამდვილობის შემოწმება შესაძლე ბელია ბმულზე: http://www.gcerti.com/.

შემოგვიერდით

ხშირად დასმული კითხვები ტრენინგებისთვის

მენიუ

შემოგვიერდით