„ეკო-სპექტრის“ გუნდს გააჩნია მრავალწლიანი საერთაშორისო სამუშაო გამოცდილება ხმაურის კვლევის სფეროში. კომპანიას ჩატარებული აქვს კვლევები, როგორც საქართველოს ტერიტორიაზე, ასევე მის საზღვრებს გარეთ, როგორც სახელმწიფო სტრუქტურების, ასევე საერთაშორისო საფინანსო ინსტიტუტების დაკვეთით. (აზიის განვითარების ბანკი, ევროპის ინვესტირების ბანკი, მსოფლიო ბანკი და ევროპის რეკონსტრუქციის და განვითარების ბანკი ა.შ.)

ხმაურის გაზომვის პროცედურა ესადაგება საქართველოს კანონმდებლობის, ISO 1996-1-2003, ISO 1996-2-2007 სტანდარტების და „საერთაშორისო საფინანსო კორპორაციის“ (IFC) მოთხოვნებს. ხმაურის გაზომვისას გამოიყენება 2 ტიპის ხმაურმზომი: “Svantek” ფირმის “SVAN 971” სერიის აპარატი და “REED” ფირმის „R8080” სერიის აპარატი.

პოლონური „Svantek“ ფირმის “SVAN 971” სერიის ხმაურმზომები წარმოადგენენ „IEC 61672-1:2013“ სტანდარტის მიხედვით I კლასის აპარატებს, რომლებსაც გააჩნიათ 100000-მდე ჩანაწერის შენახვის ფუნქცია. „SVAN 971“ გვთავაზობს ფართო დიაპაზონის შედეგებს, ყველა საჭირო სიხშირის წონადობაში (A, C, Z), ასევე 1/1 ოქტავურ და 1/3 ოქტავურ სპექტრებში. „SVAN 971“-ის ხმაურმზომის გამოყენებით შესაძლებელია ხმაურის სფეროში არსებული უმეტესი შედეგობრივი ერთეულის მიღება (Lpeak, Lmax, Lmin, L, Leq, LE, Lden, LEPd, Ltm3, Ltm5, Leq statistics (Ln), expected Leq value (EX), standard Leq deviation (SD), measurement time and overload time % (OVL) და ა.შ.). „SVAN 971“-ის პროგრამული უზრუნველყოფის საშუალებით შესაძლებელია ჩატარებული გაზომვის გრაფიკული, ცხრილური და ტექსტური შედეგების წარმოჩენა. ამერიკული „REED“ ფირმის „R8080“ სერიის ხმაურმზომები წარმოადგენენ “IEC” 61672-1-ის სტანდარტის მიხედვით II კლასის აპარატებს, რომლებსაც გააჩნიათ 64000 ჩანაწერის შენახვის ფუნქცია და Windows-ის სისტემის პროგრამული უზრუნველყოფა.

მომსახურების დრო და ღირებულება განისაზღვრება ინდივიდუალურად, გაზომვის წერტილების რაოდენობის, შეკვეთის სირთულის, მასშტაბის, მახასიათებლების და გარემო პირობების შესაბამისად.