„ეკო-სპექტრის“ გუნდს გააჩნია მრავალწლიანი სამუშაო გამოცდილება წყლის ხარისხობრივი მაჩვენებლების გაზომვების სფეროში. კომპანიას ჩატარებული აქვს გაზომვითი სამუშაოები, როგორც სახელმწიფო სტრუქტურების, ასევე საერთაშორისო საფინანსო ორგანიზაციების დაკვეთით (აზიის განვითარების ბანკი, მსოფლიო ბანკი და ა.შ.).

წყლის ხარისხობრივი მაჩვენებლების გაზომვისას გამოიყენება ამერიკული წარმოების აპარატები. განსხვავებული ზონდების გამოყენებით, მრავალფუნქციური საზომი აპარატები, წყლის სინჯში განსაზღვრავენ pH, mV, ORP, გამტარიანობას, მჟავიანობას, სიმღვრივეს და ტემპერატურას. USB პორტის გამოყენებით შესაძლებელია მიღებული შედეგების კომპიუტერული დამუშავება. ყოველი გაზომვის დროს, გარემო პირობების გათვალისწინებით ირჩევა წერტილები, საიდანაც ხდება წყლის სინჯების სპეციალური მოწყობილობით აღება. თითოეულ სინჯს ენიჭება უნიკალური კოდი, შესაბამისი ატრიბუტების დატანით (სინჯის ნომერი, აღების წერტილი, აღების სიღრმე და ა.შ.). ყოველი სინჯის გაზომვისას ივსება შესაბამისი აქტი, სადაც აისახება გაზომვის შედეგები და გარემო პირობების დეტალები.

მომსახურების დრო და ღირებულება განისაზღვრება ინდივიდუალურად, შეკვეთის სირთულის, მასშტაბის, მახასიათებლების და გარემო პირობების შესაბამისად.