შრომის ჰიგიენის და უსაფრთხოების მენეჯმენტის სისტემა არის საერთაშორისო სტანდარტი, რომლის დანიშნულებაა შრომის ჰიგიენისა და უსფრთხოების რისკებისა და შესაძლებლობების სამართავად სტრუქტურის შექმნა. შრომის ჰიგიენისა და უსფრთხოების მენეჯმენტის სისტემის ამოცანა და გამიზნული შედეგებია, მოახდინოს სამუშაოსთან დაკავშირებული დაზიანებისა და ჯანმრთელობის გაუარესების პრევენცია და უზრუნველყოს უსაფრთხო და ჯანსაღი სამუშაო ადგილები. გავუფრთხილდეთ ერთმანეთს!

                                                 როგორ ხდება ისო 45001:2018 შრომის ჰიგიენისა და უსფრთხოების მენეჯმენტის სისტემების დანერგვა?




შრომის ჰიგიენისა და უსფრთხოების მენეჯმენტის სისტემების დანერგვა ორგანიზაციას საშუალებას მისცემს შეძლოს უზრუნველყოს უსფრთხო და ჯანსაღი სამუშაო ადგილები, მოახდინოს სამუშაოსთან დაკავშირებული დაზიანებებისა და ჯანმრთელობის გაუარესების პრევენცია და მუდმივად გააუმჯობესოს შედეგები.

დანერგვისთვის შემუშავებულია ორი ძირითადი ეტაპი:

• კომპანიის დოკუმენტაციის გაცნობა ექსპერტებთან ერთად;
• დოკუმენტაციის შესაბამისობაში მოყვანა.

პირველ ეტაპზე ჩვენი ექსპერტები განახორციელებენ „არსებული მდგომარეობის ანალიზს" (ე.წ. GAP Analysis), ყველა არსებული დოკუმენტაციის შეგროვებას და გადამოწმებას, რომელთა საფუძველზეც ამ ეტაპისთვის ხორციელდება კომპანიის მართვა და განსაზღვრავენ, რამდენად არის შესაბამისობაში არსებული სისტემები საერთაშორისო სტანდარტის მოთხოვნებთან. ასევე, ხორციელდება კომპანიის სუსტი და ძლიერი მხარეების, საფრთხეებისა და მოლოდინების, კომპანიის როგორც შიდა, ისე გარე დაინტერესებულ მხარეთა განსაზღვრა.

შემდეგ ეტაპზე შემუშავდება გეგმა, რომლის შესაბამისადაც განისაზღვრება კომპანიის პოლიტიკა, მიზნები და ამოცანები, ასევე შემუშავდება, დაინერგება და შენარჩუნდება შესაბამისი პროცესები, პროცედურები და ინსტრუქციები დოკუმენტაციის საერთაშორისო სტანდარტებთან შესაბამისობაში მოყვანის მიზნით. 

შენიშვნა: იმ შემთხვევაში, თუ ჩვენი კომპანიის მიერ განხორციელდება ისო 45001:2018 შრომის ჰიგიენისა და უსფრთხოების მენეჯმენტის სისტემების დანერგვა, ჩვენ აღარ გვექნება უფლებამოსილება ჩავატაროთ მასერტიფიცირებელი აუდიტი თქვენს კომპანიაში. 

სტანდარტი საშუალებას გაძლევთ შეიმუშაოთ საჭირო უნარები შრომის ჰიგიენისა და უსაფრთხოების მენეჯმენტის სისტემებში, ასევე, სტანდარტი ითვალისწინებს შრომის ჰიგიენასთან და უსაფრთხოებასთან დაკავშირებული რისკების განსაზღვრას, როგორც ორგანიზაციაში მომუშავე პერსონალისთვის, ისე სხვა გარე დაინტერესებული პირებისთვის, როგორებიცაა ორგანიზაციის კონტრაქტორი ან ქვეკონტრაქტორი მხარეები, ადგილობრივი მოსახლეობა და სხვ.

აღნიშნული სტანდარტის გამოყენება შეუძლია ნებისმიერ ორგანიზაციას მისი ზომის, ტიპის და საქმიანობის მიუხედავად, ვისაც სურს გააუმჯობესოს შრომის ჰიგიენა და უსაფრთხოება, აღმოფხვრას საფრთხეები და მინიმუმადე დაიყვანოს რისკები, გამოასწოროს შეუსაბამობები და მიაღწიოს მუდმივ გაუმჯობესებას.